Upplýsingafræði
Upplýsinga- og menningarlæsi (Þróað læsi)
Tekið saman af Jóni Ingvari Kjaran og Sólveigu Friðriksdóttur
Uppfærð útgáfa í desember 2012
Uppfærð útgáfa í desember 2012
Hugmyndin að kennslubók í upplýsingafræði, með áherslu á upplýsinga- og menningarlæsi, kviknaði eftir að fyrstu drög að nýrri aðalnámskrá fyrir öll skólastig litu dagsins ljós árið 2010. Þar er einmitt lögð áhersla á læsi í víðum skilningi, þróað læsi.
Með þróuðu læsi er ekki átt við tæknina að lesa (reading) heldur færni í að nota þekkingu sína, rökræða, túlka upplýsingar og leysa viðfangsefni við ólíkar aðstæður. Kennslubók þessi er því leið til að samþætta tvenns konar læsi – upplýsingalæsi og menningarlæsi. Markmið áfangans Í áfanganum er lögð áhersla á að nemandi læri að nota fjölbreyttan hugbúnað og upplýsingar á margvíslegu formi við lausn og framsetningu viðfangsefna í námi sínu. Hafi skilning á upplýsingaöflun og upplýsinga- og menningarlæsi og geti lagt mat á gæði og áreiðanleika upplýsinga. Átti sig á lagalegri og siðfræðilegri hlið upplýsingaflæðis, höfundarétti, notkun heimilda og framsetningu á þeim og upplýsinga- og auglýsingalögum. Einnig að nemandi öðlist góða yfirsýn yfir sögu og þróun Netsins. Nái færni í notkun vefdagbókar þar sem skráð er námsferli nemandans og geti haldið utan um eigin verkefnavinnu. Kynnist möguleikum HTML forritunarmálsins til að útbúa eigin síðu og kynnist vefsíðugerð og vefhönnun. Síðast en ekki síst að nemandi nái að temja sér lýðræðisleg og sjálfstæð vinnubrögð og færni í samvinnu. |